МАСС

Тоглогч ба баг

• 8 тоглогч, 4-4-өөр 2 баг (А, Б). Хажуугийн тоглогч бүр эсрэг багийнх.
• Ээлж цагийн зүүний дагуу явна.

Хөзөр (43)

• 4 дүр × A 2 3 7 8 9 10 J Q K + 3 жокер J1 J2 J3.
• Дүр: Бундан ♥, Гил ♠, Дөрвөлжин ♦, Цэцэг ♣.
• Зэрэглэл: 7 < 8 < 9 < 10 < J < Q < K < 3 < 2 < A < J3 < J2 < J1

Үе

• Тоглогч бүрт 5 хөзөр, үлдсэн 3 нь газарт.
• Ноён дүр үе бүр солигдоно: ♥ → ♠ → ♦ → ♣ → ♥ …
• 1-р үед шоогоор эхлэгчийг тодруулна. Дараа нь өмнөх үеийн ялагч баг аль гишүүнээрээ эхлэхээ сонгоно.

Масслах

• Ээлжтэй тоглогч дараагийн тоглогч руу зөвхөн 3, 5, 7 хөзрөөр масслана:
  • 3 = 1 хос + 1 дурын хөзөр: 8♠ 8♥ K♦
  • 5 = 2 хос + 1 дурын хөзөр: 8♠ 8♥ K♦ K♣ 9♠
  • 7 = 3 хос + 1 дурын хөзөр
• Дурын хөзөр нь жокер ч байж болно (8♠ 8♥ J3). Нэмэлт жокер дагуулахгүй, ганц хос дангаараа гарахгүй.
• Тойргийн (масслагчаас бусад 7 хүний) хамгийн цөөн хөзөртэй хүнээс их масс гаргахгүй. Жишээ нь хэн нэг нь 4 хөзөртэй бол 5-ын масс болохгүй, 1–2 хөзөртэй хүн байвал масс огт гарахгүй.
• Хос байхгүй, 3-аас цөөн хөзөртэй, эсвэл дээрх хязгаараас болж масс гаргаж чадахгүй бол нэг хөзрөөр гарна.

Дарах

• Энгийн хөзрийг ижил дүрийн өндөр хөзөр, эсвэл дурын ноёноор дарна.
• Ноёныг илүү өндөр ноёноор, жокерыг илүү өндөр жокероор дарна. Жокер дурын энгийн хөзрийг дарна.
• Хөзөр бүрийг тусад нь нэг хөзрөөр дарна. Ганц жокероор массыг бүхэлд нь дарахгүй.
• Тойрог: масс дараагийн тоглогч руу шилжинэ. Хойно нь байгаа хүн бүр сүүлд дарсан хөзрүүдийг дарна (өөрийн багийнхан ч).
• Масслагчаас бусад 7 хүн бүгд дарж масслагч руу эргэж ирэхэд тойрог бүтэн болж, бүх хөзөр хаягдана. Сүүлд дарсан тоглогч дараагийн массыг гаргана.
• Тойргийн дундуур дарж чадахгүй (эсвэл дарахгүй) бол ширээн дээрх бүх хөзрийг авч, ээлжээ алгасна. Түүний дараагийн тоглогч масслана.

Газрын хөзөр

• Эхэлж гарсан тоглогч 2+ хөзрөөр массалбал газрын 3-ыг бүгдийг, 1 хөзрөөр бол 1-ийг авна.
• Газарт үлдсэн бол тойрогт амжилттай дарсан тоглогч бүр 1 авна.

Ялалт

• Багийн аль нэг гишүүн хөзөргүй болмогц баг үеийг хожиж 1 оноо авна. 5 оноо түрүүлсэн баг ялна.

Тодруулга (энэ хувилбарт)

Удирдлага

• Хөзөр дээр дарж сонгоно, дахин дарвал болино. Enter — батлах, Esc — цуцлах.
• 💡 товч хамгийн тохиромжтой нүүдлийг санал болгоно.
• 🎙 товчоор дуут чатад орно, дахин дарвал микрофоноо хаана. Өрөөний эзэн «бүгд» эсвэл «зөвхөн багаараа» гэж сонгоно. Цуурай гарвал чихэвч зүүх, эсвэл цэснээс «Товч дарж ярих» горимыг асаана (🎙 эсвэл Space дарж байх үед л дуу явна).
• 🏳 Цэснээс үеийг бууж өгөх санал гаргана. Багийн онлайн хүмүүсийн олонх 30 секундэд зөвшөөрвөл нөгөө баг оноо авна. Баг бүр үед нэг удаа.